(De Grote Vruntjelike Jozef en) Sint Caecilia – Gé Reinders

Edere repetitie zitte ze dao
Altied op häör eige plekske
Ze kinne alle sjtökker veur en nao
Ceacile en Sef verheuge zich op elk sjoon stekske

En as de fanfaar door de sjtraote trekt
Dan marchere zie twee mit
Ederein kint häör en ederein wit wie ’t zit
En zie zinge heel het “Wilhelmus” en
“Hij leve hoog in de gloria”
Ze neume hem de Grote Vruntjelike Jozef en
Ze neume häör Sint Caecilia

En mit ’t concours zote zuuj veuraan in de zaal
En nao elk nummer maakte zuuj het meiste kabaal
En saoves ginge zuuj oppe sjouwers en
Jozef droog het vaandel mit de nuje wimpel d’r aan
En ederein zóng “We are the Champions” en
“Lang zulle ze laeve in de Gloria”
Veur de fanfaar, veur de Grote Vruntjelike Jozef en
Veur Sint Caecilia

Ederein waar blie
Wie Jozef weer nao de repititie kwoom
’t Ganse orkes had zoe mit dae man te doon
Ze zagte “Veur geweun luuj is det al zwaor
Wie kumt zónne miens noe mit zo get klaor?”

Want wie de fanfaar door de sjtraote trok
Leep hae weer allein
De Grote Vruntjelike Jozef leek toen inins
Braekbaar en klein
’t Koor zong “In Paradisum” en
Op sjpeciaal verzeuk veur hem toch de Gloria
Want de Grote Vruntjelike Jozef mos noe wiejer
Sónger zien Caecilia.

 


 

terug naar de startpagina van moors magazine

« | »